Միջազգային թեստավորման գործակալությունը (ITA)  260 աշխատակցի է գործուղել Լեհաստան ՝ հակադոպինգային ծրագիր իրականացնելու համար:

2021թ. Եվրոպայի  օլիմպիական կոմիտեն   (ԵՕԿ)  և ITA – ն ստորագրել են  համաձայնագիր, որով  ITA-ին  վստահվել է մաքուր սպորտի ծրագրի կառավարումը Եվրոպայի ամառային   խաղերում, պատանեկան օլիմպիական փառատոներում և աշխարհամասի փոքր պետությունների խաղերում: 

Արդեն մեկնարկած եվրոպական երրորդ  խաղերին հավատարմագրված դոպինգ սպաները մարզիկներից կվերցնեն ավելի քան 1200 նմուշ, որոնք  կստուգվեն  համաշխարհային հակադոպինգային գործակալությանը հավատարմագրված լաբորատորիաներում՝  Վարշավայում և Քյոլնում:

Հետաքրքրքիր է, որ Ֆրանսիայի հակադոպինգային գործակալության (AFLD) աշխատակիցները նույնպես  կաշխատեն Եվրոպական խաղերում՝ նախապատրաստվելով հաջորդ ամռանը Փարիզում կայանալիք օլիմպիական խաղերին:  

Ի դեպ, դոպինգ հսկողության յուրաքանչյուր սպա անցել է  պատշաճ նախապատրաստական դասընթաց  և գիտե իր առաջադրանքներն ու պարտականությունները: